Það var hlaupið

Þar sem ritari er í New York skrái ég í hans stað.

Í gær, miðvikudag, hljóp stór hópur frá laug.  Sennilega voru mættir 30 manns, of margir til að nefna.

Ég var í hópi öftustu manna eins og venjulega, hljóp með Friðriki aftasta (ekki Friðriki fyrsta frá Melabúð) og Gunnhildi sem er að hugsa um að setjast hér að, nýkomin heim frá Malasíu.  Einnig hljóp með okkur Guðmundur heimilislæknir og kórfélagi minn úr Hamrahlíð.

Með okkur var önnur kona, gift starfsmanni í Framsóknarflokknum.  Hún hélt hópinn mjög tímabundið en leiddist svo biðin og skeiðaði fram úr okkur í Nauthólsvík.  Við tókum Hlíðarfót aftur til laugar en mig grunar að margir hafi farið þriggja brúa hlaup.

Veðrið var ágætt, hæg austanátt en kalt, 1 stigs hiti.

Með bestu kveðju, Kári

 

Athugasemdir

[Ólafur Grétar Kristjánsson (IP-tala skráð) 9.10.2009 kl. 00:30]

Gott framtak, Kári! Megi sem flestir skeiða fram á ritvöllinn í þágu upplýsingar og mennta í Samtökum Vorum. Ég færi ykkur kveðjur gvuðs og mínar héðan frá Nýju Jórvík. Ég hleyp ekkert, raða í mig kræsingum, en horfi hins vegar á marga hlaupara sem eru að undirbúa New York maraþon.