Afrek utandagskrár

Einar blómasali og Anna Birna konan mín, sem stundum hefur hlaupið,  tóku áskorun kvikmyndatökumanna frá  ónefndu erlendu stórfyrirtæki um að stunda sjósund í Jökulsárlóni gegn greiðslu.

 

 

 

 

 

 

 

 

 

 

 

Ég veit að Einari verður varla trúað í næsta hlaupi.  Því ákvað ég að birta hér myndir sem ég tók við þetta tækifæri til að sannleikurinn nái fram að ganga, en það er yfirleitt æskilegast.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 Konan mín synti einnig ítrekað, þar til leikstjórinn æpti og klappaði af hrifningu og tökum lauk.  Ég var svo upptekinn af því að vera henni  til taks, að ég steingleymdi að taka myndir af hennar afrekum meðan hún synti.

 

 

 

 

 

 

 

 

 

 

 

Ég hafði ekki geð í mér til að segja syndurunum að ég hafði mælt hitastig lónsins  núll gráður fyrr en eftir að þrekraunum lauk, enda vita þeir sem til þekkja að  sjósund er mjög andleg iðja.

Þessi Lónssundsprettur er utan hefðbundinnar hlaupadagskrár og því ómaklegt að  skrá stig fyrir, en gjörningurinn er samt skjalaður hérmeð.

PS: Ég var sjálfur ráðinn af leikstjóra sem "Iceberg pusher", en það er sá sem  syndir út í lónið og ýtir jökum til og frá til að gera leikmyndina sem  fallegasta.  Það afrek mitt telst ekki mikið enda var ég í kajak gallanum.

Með vinsemd og virðingu,

    Kári Harðarson

 

 

Athugasemdir

[Jóhanna (IP-tala skráð) 19.7.2007 kl. 23:26]

Glæsilegt. Nú eiga vel við orð geðlæknis lýðveldisins; við erum stolt af því að vera samtíðarmenn þeirra.

Með hlýrri kveðju,

Jóhanna