Óheppileg tímasetning eða hvað?

Það vekur athygli að kappakstursmaður fær tækifæri til þess að sýna "listir" sínar í Smáralind á sama tíma og hjúkrunarfræðingar í Reykjavík, Akureyri og á Selfossi standa fyrir fjöldagöngu til þess að hvetja til varkárni í umferðinni með það að markmiði að fækka alvarlegum slysum - hvort sem þau valda dauða eða varanlegri örorku. Annað hvort er þetta einkar óheppileg tímasetning eða sérdeilis merkileg kaldhæðni...

Formúluökumaður sýnir listir sínar við Smáralind

Athugasemdir

[Nafnaus eins og 98% þeirra sem blogga (IP-tala skráð) 26.6.2007 kl. 22:46]

Já....þeir í Formulunni eru einmitt búnir að vera að fylgjast með fréttum á Íslandi til að skipuleggja sig hingað á þeim tíma sem þessi ganga átti að fara fram.....heimskulegt blogg!!!

 Er ekki einmitt skárra að kynna íþróttina á brautum en úti á götum.

[Nonni (IP-tala skráð) 27.6.2007 kl. 10:01]

Ég verð eiginlega að vera sammála þeim sem kommenteraði fyrst.  Það er kannski ekki alveg hægt að líkja saman sýningu á séhönnuðu keppnistæki sem ekur í lokaðri braut og göttukappakstri.

[Jón Þór Bjarnason (IP-tala skráð) 27.6.2007 kl. 13:37]

Ég vil benda á að eina löglega keppnisbrautin sem er til á íslandi er í Hafnarfirði og hefur hún verið þar síðan 1978 Alla föstudaga kl 20:00 er opin braut fyrir félagsmenn þar sem þeir geta spyrnt og keyrt hratt löglega og fengið þannig losun fyrir adrenalínið. 

WWW.KVARTMILA.IS